என்னை எனக்குப் பிடிக்கும்
கவிஞர்: விஷாகா விஸ்வநாத்
பலர் அதிகமாய் கேட்பது இதுதான்!
உனக்கு என்ன பிடிக்கும்?
எனக்கு ஜன்னல் பிடிக்கும்.
ஜன்னல் வழியே உள்ளே வரும் காற்று பிடிக்கும்.
அந்தக் காற்றில் பறக்கும் என் கூந்தல் பிடிக்கும்.
ஜன்னல் வழியே ஊடுருவும்,
அந்தி ஒளி பிடிக்கும்.
அந்த ஒளியில் மின்னும் என் கண்கள் பிடிக்கும்.
என்னை எனக்கு பிடிக்கும்.
எப்படி இருக்கிறேனோ அப்படியே!
எவளாக இருக்கிறேனோ,
அவளாகவே!
யாருக்கெல்லாம் என்னை பிடிக்குமோ,
எனக்கும் அவர்களை பிடிக்கும்.
எவையெல்லம் என்னுடையதோ அவை அத்தனையும்,
எனக்குப் பிடிக்கும்.
ஆனால் அனைத்துக்கும் மேலாக,
என்னை எனக்கு பிடிக்கும்!
மொழிபெயர்ப்பு: ஆர். தீபா
கருத்துகள் இல்லை:
கருத்துரையிடுக